اسلام آباد ۔ 15 اپریل (اے پی پی) وزیر اعظم عمران خان نال برطانوی پارلیمان دے رکن برینڈن لیوس سنوارکوں وزیراعظم آفس اچ ملاقات کیتی جیں اچ پاک برطانیہ ڈو طرفہ تعلقات، تجارتی و سرمایہ کاری رابطے دے استحکام، پاکستانی برادری دے کردار اتے خطے دی مجموعی صورت حال تے گال مہاڑ تھئی ۔وزیر اعظم حکومت دے اصلاحاتی ایجنڈے کوں اجاگر کریندے ہوئیں ملک اچ کاروباری برادری دی سہولت اتے کاروبار اچ سوکھ کیتے چاتے گے اقدامات تے روشنی پاتی ۔ برینڈن لیوس ڈوہیں ملکاں وچال تجارتی تعلقات تے وسیع موقع تے گال مہاڑ کریندے ہوئیں امید ظاہر کیتی جو خطے اچ سیکورٹی دی بہتر صورت حال نال برطانوی کمپنی ولوں سرمایہ کاری اچ ودھارا تھیسی ۔ چیئرمین بیسٹ وے سیمنٹ سر انور پرویز وی ملاقات اچ موجود ہن ۔
