ٹوکیو ۔ 23 اپریل (اے پی پی) وزیر خارجہ مخدوم شاہ محمود قریشی ٹوکیو اچ پاکستانی سفارتخانے وچ منعقدہ تقریب اچ شرکت کیتی۔ ایں موقع تے وزیر خارجہ مخدوم شاہ محمود قریشی جاپان پاکستان پارلیمنٹری فرینڈشپ لیگ دے چیرمین سشرو ایٹو دی خدمات دے اعتراف اچ انہاں کون ”ہلال پاکستان“ اعزاز نال نوازیا۔ سشرو ایٹو ڈوہیں ملکاں وچال دوستانہ تعلقات ودھاونڑ اچ فعال کردار ادا کریندے آندن۔مخدوم شاہ محمود قریشی آکھیا جو سشروایٹو، جاپان تے پاکستان وچال اقتصادی شراکت داری دے قیام کیتے ہمیشہ پیش پیش رہ گن ۔ جاپان پاکستان پارلیمنٹری فرینڈشپ لیگ دے ممبراں وزیر خارجہ مخدوم شاہ محمود قریشی کوں ٹوکیو آمد تے خوش آمدید آکھیا ۔ وزیر خارجہ مخدوم شاہ محمود قریشی ڈوہیں ملکاں دی پارلیمنٹ کوں نیڑے گھن آونڑ تے دوستانہ تعلقات قائم کراونڑ اچ جاپان پاکستان پارلیمنٹری فرینڈ شپ لیگ دے کردار دی تعریف کیتی ۔
