پاک فوج اتے خیبر پختونخوا پولیس دے پشاور اچ جوائنٹ اینٹیلیجنس اپریشن دے دوران 5دہشت گرد ماریے گن ، فائرنگ دے تبادلے اچ اے ایس آئی شہید، ہک افسر اتے نینگر زخمی تھی گن ، آئی ایس پی آر

راولپنڈی۔ 16 اپریل (اے پی پی) پاک فوج تے خیبر پختونخوا پولیس دے حیات آباد فیز سیون پشاور اچ جوائنٹ اینٹیلیجنس اپریشن دے دوران 5دہشت گرد ماریے گن ،فائرنگ دے تبادلے اچ اے ایس آئی قمر عالم شہید جڈاں جو ہک افسر اتے نینگر زخمی تھی گن ۔پاک فوج دے شعبہ تعلقات عامہ(آئی ایس پی آر) دے مطابق پاک فوج اتے خیبر پختونخوا پولیس دا دہشت گرداں دے ٹھکانڑیں دے خلاف کارروائی کیتے جوائنٹ انٹیلی جنس بیسڈ اپریشن گزریل رات شروع تھیا ۔ فائرنگ دے تبادلے دے دوران کے پی کے پولیس دا اے ایس آئی قمر عالم شہید جڈاں جو ہک افسر تے نینگر زخمی تھی گیا۔ شہید اے ایس آئی قمر عالم دی نمازجنازہ پشاور اچ ادا کرڈتی گئی ۔ اپریشن دے دوران فائرنگ دے تبادلے اچ 5دہشت گرد ماریے گن،سیکورٹی فورسز ولوں کلیئرنس اپریشن جاری اے جڈاں جو دہشت گرداں دیاں لاشاں دی شناخت دا عمل وی جاری اے ۔