اسلام آباد ۔ یکم اپریل (اے پی پی) وفاقی وزیر اطلاعات تے نشریات چوہدری فواد حسین دی صدارت اچ پی ٹی وی اچ اعلی سطح دااجلاس تھیا،جیندے اچ پی ٹی وی کوں اینا لاگ توں ڈیجٹیل بناونڑ دے عمل دا جائزہ گھدا گیا ۔اجلاس اچ سیکرٹری وزارت اطلاعات تے نشریات شفقت جلیل ،سیکرٹری منصوبہ بندی تے ترقی اتے سیکرٹری اقتصادی امور،وزارت اطلاعات تے نشریات اتے پی ٹی وی دے حکام شریک ہن ۔پی ٹی وی حکام ولوں وفاقی وزیر کوں پی ٹی وی دی ڈیجٹلائزیشن دی ہنڑ تئیں دی پیشرفت تے بریفنگ ڈتی گئی ۔وفاقی وزیر اطلاعات تے نشریات چوہدری فواد حسین اجلاس نال خطاب کریندے ہوئیں آکھیا جو ڈیجٹلائزیشن نال پی ٹی وی دی سکرین دا معیار ہور ودھ چنگا تھی ۔انہاں آکھیا جو پی ٹی وی قومی ادارہ ہے،ا یہ پاکستان دے فیس دی حیثیت رکھیندے ۔وفاقی وزیر چوہدری فواد حسین آکھیا جو وزیراعظم عمران خان دے وژن دی روشنی اچ پاکستان دے چہرے کوں روشن اتے بہتر بناونڑے ۔انہاں آکھیا جو سالاں توں روکے ہوئے کم کوں مکمل کرنڑ سانگے ودھ محنت اتے لگن نال کم کرنڑ پوسی۔وزیر اطلاعات چوہدری فواد حسین آکھیا جو پی ٹی وی دی ترقی ملک دی خدمت ہے ۔انہاں ہدایت کیتی جو ڈیجٹلاائزیشن دے عمل کوں تکھے نبڑیا ونجے۔
