اسلام آباد ۔ 2 اپریل (اے پی پی) چیئرمین سینیٹ محمد صادق سنجرانی آکھیے جو کہیں وی ملک یا معاشرے دی ترقی دا انحصار جتھاں باقی عوامل تے تھیندے اتھاں سستے تے وختی انصاف دی فراہمی اہم اے وختی داد رسی نال ہی سماجی تے اقتصادی ترقی دے خواب کوں پورا کیتا ونج سگدے ۔ چیئرمین سینیٹ اے گال وفاقی محتسب سید طاہر شہباز نال ملاقات کریندے ہوئیں آکھی اے۔ انہاں آکھیے جو عام آدمی دے مسلیں دا وختی حل چاہندے جیں کیتے ریاستی اداریں تے حکومت کوں مزید موثر اقدامات کرنڑیں ہوسن ، فوری انصاف دی فراہمی دے اقدامات نال ملک دے پسماندہ طبقات تے علاقیں کوں ترقی دے مرکزی دھارے اچ لاتا ونج سگدے ۔
