راولپنڈی ۔ یکم مئی (اے پی پی)شمالی وزیرستان دے سرحدی علاقے الواڑہ اچ سرحد پار توں دہشت گرداں دے حملے اچ3جوان شہید جڈاں جو 7 زخمی تھی گئے ہن ، پاک فوج دے جواناں حملہ وختی جوابی کاروئی کیتی۔پاک فوج دے جوان سرحد تے تار لاونڑ اچ مصروف ہن ۔ پاک فوج دے محکمہ تعلقات عامہ( آئی ایس پی آر) ولوں جاری بیان مطابق افغانستان توں 60توں70 دہشت گرداں شمالی وزیرستان دے سرحدی علاقے الواڑہ اچ سرحد تے تار لاونڑ آلے پاک فوج دے جواناں تے حملہ کیتا ،جینکوں پاک فوج ناکام کر ڈتا ۔ ایں دوران پاک فوج دی جوابی کارروائی نال ڈھگ سارے دہشت گرد ہلاک اتے زخمی تھئے ۔ پاک فوج دے ترائے جوان شہید اتے7 زخمی تھئے۔ شہید تھیونڑ آلیاں اچ لانس نائیک علی، لانس نائیک نذیر اتے سپاہی امداد اللہ شامل ہن۔ پاک فوج دے ترجمان ڈسائے جو پاکستان ساریاں رکاوٹاں دے باوجود تار لاونڑ دا عمل جاری رکھیسی، افغانستان دی سرزمین پاکستان دے خلاف استعمال نئیں تھیونڑ چاہیدی، افغان سکیورٹی فورسز اتے حکام کوں سرحد تے کنٹرول کرنڑ دی ضرورت ہے۔
