اسلام آباد ۔ 26 مئی (اے پی پی) وزیراعظم دی معاون خصوصی برائے اطلاعات ونشریات ڈاکٹرفردوس عاشق اعوان آکھیے جو شہباز شریف کوں اسحاق ڈارنال ولنڑا چاہیدے تاں جو کوڑ اتے سچ دا نتارا تھیوے۔اے گالھ انہاں اپنڑے ٹویٹ اچ آکھی۔انہاں آکھیا جو شہباز شریف صاحب “چیمبر” تہاڈا خالی اے اتے تہاکوں گولیا ویندا پئے،جیہڑے لوک آپ میدان چھوڑ تے بھج گین او ڈوجھیں کوں سچ کوڑ دا کیہڑا اتے کیویں سبق ڈیسن؟ شہباز صاحب اسحاق ڈارنال وطن ولین تاں جو کوڑ سچ سامنڑے آوے۔
