وادی تیراہ خیبر ۔ 2 مئی (اے پی پی) وزیراعظم عمران خان خمیس کوں خیبر دی وادی تیراہ دا دورہ، سپورٹس گالا دی چھیکڑی تقریب اچ شرکت کیتی۔عسکریت پسنداں ہک ویلھے ایں علاقے کوںنوگو ایریا بنڑا ڈتا ہئی ۔تیراہ ہک اوکھا علاقہ اے جیڑھا جو دہشت گرداں دا گڑھ رہے۔ عمران خان ماضی اچ عسکریت پسنداں دا گڑھ رہونڑ آلے علاقے دا دورہ کرنڑ آلے پہلے وزیراعظم بنڑ گئن۔علاقے اچ وزیراعظم دے دورہ توں انج سپورٹس گالا کراونڑ ایںگالھ دا ثبوت اے جو ایں علاقے اچ امن آ گئے ،ماضی اچ اے علاقہ دہشت گردی توں بہوںمتاثر رہےے جتھاں سکیورٹی فورسز دہشت گرداں توں پاک کیتے۔وزیراعظم عمران خان چھیکڑی تقریب دے مزمان خصوصی ہن ۔خیبر پختونخوا دے گورنر شاہ فرمان، وزیر اعلیٰ محمود خان، وزیر دفاع پرویز خٹک، وفاقی وزیر مذہبی امور نور الحق قادری، اراکین اسمبلی توں انج ضلعی خیبر دے قبائلی عمائدین اتے ملک وی ایں موقع تے موجود ہن ۔قبائلی علاقیاں دے رہنڑ آلیاں دی وڈی تعداد وزیراعظم دا استقبال کیتا وزیراعظم زندہ باد دے نعرت لاتے۔
