اسلام آباد ۔ 12 جون (اے پی پی)وزیراعظم دے مشیر خزانہ عبدالحفیظ شیخ آکھیے جوحکومت مالی سال 2019-20ءدے بجٹ اچ 29 کھرب روپے قرضیاں تے سود اڈیونڑ سانگے رکھیے ہن ۔ ایہ گالھ انہاں پوسٹ بجٹ کانفرنس دوران صحافیاں کوں ڈسائی ۔ مشیر خزانہ آکھیا جوا یہ رقم سول حکومت اتے مسلح افواج دے کل توں وی ودھ ہے اتے انہاں خرچیاں نال رایا ونجے تاں ا یہ رقم مالی سال 2019-20ءدے مالی سال دے ٹیکس محصولات دے 55 کھرب 55 ارب روپے دے مجموعی ہدف دی ادھ توں ودھ ہے۔ انہاں آکھیا جوا یہ غیر مناسب ہے جوموجودہ حکومت جیرھا وی قرض گھنسی او ہ پچھلی حکومتاں دے قرضے بھرن سانگے ہوسی،ا یہ گالھ کیتی ونجے تاں اپوزیشن تنقید کرنڑ شروع کر ڈیندی ہے۔ انہاں آکھیا جو موجودہ حکومت کو ں31 ہزار ارب روپے دے قرضے وراثت اچ ملے، قرضے حقیقت ہن اتے حقیقت کوں نظر انداز نی کیتا ونج جا سگدا جا ۔انہاں یقین ڈیوایا جو سارے نویں قرضے سابقہ قرضیاں دی واپسی سانگے استعمال کیتے ویسن۔