اسلام آباد ۔ 30 جون (اے پی پی)ریلوے دے وفاقی وزیر شیخ رشید احمد آکھیے جو حکومت عوام کوں سفر دے آرام دہ’ جدید ‘ تیز تر اتے محفوظ ذرائع ڈیونڑ کیتے ریلوے دی ترقی سانگے سارے ممکنہ وسائل لیندی پئی اے۔ایکسپو سنٹر اسلام آباداچ صحافیاں نال الویندے ہوئے انہاں آکھیے جو وزیراعظم بدھ کو ںسرسید ایکسپریس دا افتتاح کریسن جڈاں جو ریلوے دا بجٹ منگل کوں پیش کیتا ویسی۔انہاں آکھیے جو ریلوے دا خسارہ پنج سال اچ مکاونڑ دی کوشش تھیندی پئی اے کراچی سرکلر ریلوے دے36 کلومیٹر علاقے اچ ساریاں تجاوزات مکا ڈتیاں گین، سابقہ حکمراناں سندھ اچ ریلوے لائناں دی تعمیر و ترقی کیتے ہک ٹکہ وی خرچ نئیں کیتا تہوں ایں علاقے اچ ودھ ٹرینان روذ ڈیہاڑے پٹڑی توں لہہ ویندن اتے حادثات تھیندن۔
