اسلام آباد ۔ 11 جون (اے پی پی) آندے مالی سال 2019-20ءدے بجٹ اچ قابل ٹیکس آمدن دی گھٹ توں گھٹ حد تنخواہ دار طبقے کیتے 6 لکھ روپے اتے غیر تنخواہ دار طبقے کیتے 4 لکھ روپے کرنڑ دی تجویز اے ۔ منگل کوں قومی اسمبلی اچ آندے مالی سال 2019-20ءدا وفاقی بجٹ پیش کریندے ہوئیں وزیر مملکت ریونیو میاں حماد اظہر آکھیا جو فنانس ایکٹ 2018ءاچ تنخواہ دار اتے غیر تنخواہ دار ڈوہیں طرح دے لوکاں کیتے ٹیکس دی شرح اچ کمی کیتی گئی اے ۔ فنانس ایکٹ 2018ءدے ذریعے ایندی گھٹ توں گھٹ حد ترائے گناہ ودھا تے 12لکھ روپے کر ڈتا گے ایندے نتیجے اچ محصولات دی مد اچ 80ارب روپے دا ضیان تھے ۔
