اسلام آباد ۔ 3 جون (اے پی پی)وزیراعظم عمران خان دی صدارت اچ وفاقی کابینہ دے اجلاس دے بعد وزیراعظم دی معاون خصوصی اطلاعات تے نشریات ڈاکٹر فردوس عاشق ڈسایا جوکوئی وی قنون توں ودھ تے کائنی، موجودہ حکومت قنون دی عملداری تے مکمل یقین رکھیندی ہے، ایسسٹس ریکوری یونٹ ولوں تصدیق دے بعد شکایت وزارت قنون کوں بھجوائی گی، وزارت قنون دوبارہ تصدیق دے بعد سمری کوڈ آف کنڈکٹ مطابق صدر مملکت کوں بھجوائی، وفاقی کابینہ اپوزیشن اتے بار کونسلز دی سیاست چمکاونڑ دے عمل دی مذمت کیتی ہے۔انہاں آکھیا جو عدلیہ دی شکایت عدلیہ ہی سنڑدی پی ہے، ایندے وچ عدالتاں تے حملہ کتھوں آ گئے۔انہاں آکھیا جو وفاقی کابینہ 2511 چائنیز دے ویزاں دی مدت اچ ہک سال دی توسیع کر ڈتی ہے، جامع بنوریہ دے غیر ملکی طالب علماں دے اوور سٹے تے لاتا گیاجرمانہ معاف کرنڑ، کیش مینجمنٹ اینڈ ٹریژری سنگل اکاﺅنٹ پالیسی 2019ئ، راجہ جواد عباس کوں انسداد دہشت گردی اسلام آباد دا جج، عتیق احمد کوں سیکرٹری فیڈرل بورڈ آف انٹرمیڈیٹ اینڈ سیکنڈری ایجوکیشن لاونڑ دی منظوری ڈے ڈتی ہے۔انہاں دا آکھنڑ ہا جوکابینہ اقتصادی رابطہ کمیٹی دے 30 مئی 2019ءکوں تھیونڑ آلے اجلاس اچ گھدے گئے فیصلاں دی وی توثیق کر ڈتی ہے۔ انہاں ڈسایا جوکابینہ کوں کنڑک دی فصل اتے حالیہ بارشیں اتے طوفان دے نتیجے اچ پجنڑ آلے نقصانات بارے وی بریفنگ ڈتی گی ۔کابینہ کو ں ڈسایا گیاجو مینھ اتے طوفان دی وجہ نال کنڑک دی پیداوار اچ تقریباً 1.3 ملین ٹن دا نقصان پجے۔ کابینہ کوں ڈسایا گیا جو نقصان دے باوجود ایں سال پیداوار 24.3 ملین ٹن رہی۔کابینہ کوں ڈسایا گیا جوموجودہ حکومت دے دور اچ کساناں کوں چاول، گنے اتے کنڑک دے چنگی قیمتاں ملیاں ہن ۔ کنڑک دی مد اچ کساناں کوں 1300 روپے فی منڑ توں وی ودھ ریٹ ملے۔ گنے دا سرکاری ریٹ 180 روپے فی من مقرر ہا، پہلی واری کساناں کوں سرکاری ریٹ توں وی ودھ ریٹ ملیا ۔۔ کابینہ (Cash management & treasury single account 2019) کیش مینجمنٹ اینڈ ٹریژری سنگل اکاﺅنٹ پالیسی 2019ءوی و ی منظوری ڈتی۔ کابینہ سی پیک اتے بئے منصوبیں تے کم کرنڑ آلے چینی ماہرین اتے لوکیں دے وزٹ ویزاں کوںورک ویزاں اچ تبدیل کرنڑ دی وی منظوری ڈتی تاں جوایہ منظوری صرف ہک واری سانگے تھیسی۔ ۔ کابینہ کوں ڈسایا گیا جو وفاقی حکومت لاڑکانہ اچ ایڈز دی بیماری نال متاثرہ لوکیںکوںمدد کریندی پی ہے۔ کابینہ کوں ڈسایا گیا جو پاکستان اچ Essential Assistive Policy تحت لسٹ بنڑ اگھدی گی ہے۔ ایں موقع تے وزیر توانائی عمر ایوب ڈسایا جو عیدالفطر دوران وی ملک اچ لوڈ شیڈنگ کائناں کیتی ویسی۔ وزیراعظم عمران خان وفاقی کابینہ کو ںعیدالفطر دی مبارخ ڈیندے ہوئیں یاد ڈیوایا جو عید دی خوشیاں اچ غریب اتے مستحق لوکیں کوں وی یاد رکھیا ونجے۔ معاون خصوصی اطلاعات تے نشریات ڈاکٹر فردوش عاشق اعوان ڈسایا جو کئی سال بند رہونڑ دے بعد برٹش ایئرویز دوبارہ پاکستان اچ اپنڑیں فلائٹس شروع کر ڈتیاں ہن،ا یہ وزیراعظم عمران خان دے اقدامات تے اعتماد دا اظہار ہے، عالمی سطح تے پاکستان دا چنگا تشخص اجاگر تھیندا پئے۔فردوس عاشق اعوان ڈسایا جو وزیراعظم عمران خان ہدایت کیتی جوحاجیاں دا ودھ ہک پیسہ وی ہوئے تاں ا وہ حاجیاں کوں واپس کیتاونجے، ایہ ہے تبدیلی حکومت دی واضح پالیسی، سابقہ حکومتاں تا ں حاجیاں دے احراماں اچ وی کرپشن کیتی۔
