پاکستان سانگے برٹش ایئر ویز دی فلائٹس دی بحالی نال ملک اچ سیاحت دے شعبہ کوں ودھارا ملسی,وزیراعظم عمران خان دی برٹش ایئر ویز دے چیف کمرشل آفیسر اینڈریو بریم نال گالھ مہاڑ

اسلام آباد ۔ 3 جون (اے پی پی)وزیراعظم عمران خان آکھیے جو پاکستان سانگے برٹش ایئر ویز دی فلائٹس دی بحالی نال ملک اچ سیاحت دے شعبہ کوں ترقی ملسی اتے عالمی برادری کوں ودھ ساری تجارت تے سرمایہ کاری سانگے چنگا اشارے ملسن۔ ایہ گالھ وزیراعظم برٹش ایئر ویز دے چیف کمرشل آفیسر (سی سی او) اینڈریو بریم نال گالھ مہاڑکریندے ہوئیں آکھی جنہاں سنورا کوں وزیراعظم ہاوس اچ انہاں نال ملاقات کیتی ۔ برطانوی ہائی کمشنر تھامس ڈریو وی انہاں دے کٹھے ہن ۔ ایں موقع تے وفاقی وزیر ہوا بازی غلام سرور خان اتے وزیراعظم دے مشیر تجارت عبدالرزاق داﺅد وی موجود ہن۔ وزیراعظم پاکستان سانگے برٹش ایئر ویز دی فلائٹس دی بحالی کوں چنگا کم آکھیے۔