اسلام آباد ۔ 11 جولائی (اے پی پی) وزیراعظم عمران خان بینکاری ذرائع توں 9.7 فیصد دے ودھارے نال ودھ ترسیلات زر بھجوانڑ تے باہرلے ملکاں اچ رہونڑ آلے پاکستانیاں دا شکریہ ادا کیتے۔ خمیس کوں اپنڑے ہک ٹویٹ اچ وزیراعظم آکھیا جوا وہ بینکاری ذرائع توں ودھ ترسیلات زر بھجوانڑ تے باہرلے ملکاں اچ رہونڑ آلے پاکستانیاں داشکریہ ادا کرنڑ چاہندن۔ انہاں آکھیاجو گزریل مالی سال دے مقابلے اچ ایں سال 9.7 فیصد دی سالانہ شرح نمو دے ودھارے نال 21.8 ارب ڈالر دی مجموعی ترسیلات زر بھجوائی گی ہن۔ ایہ رقوم گزریل سال توں ودھ ہن،جڈاں جو ایندے اچ 2.9 فیصد ودھارا تھئے۔
