واشنگٹن ۔ 23 جولائی (اے پی پی)وزیراعظم عمران خان دی کشمیر دے مسئلے تے امریکی ثالثی دی پیشکش تے بھارتی رد عمل تے حیرت دا اظہار کیتے۔منگل کوں سماجی رابطیاں دی ویب سائٹ ٹوئٹر تے جاری تھیونڑ آلے سنھیے اچ وزیراعظم عمران خان آکھیا جو کشمیر دے مسئلے نال کشمیریاں دی کئی نسلاں متاثرتھین اتے ہنڑ وی روز تھیندیاں پن ایں سانگے ایں تنازعہ دا حل ضروری اے۔وزیراعظم عمران خان آکھیا جو او صدر ٹرمپ کوںیقین ڈویندن جو پاکستان افغان امن عمل اچ اپنڑے دائرہ اختیار اچ ہرممکن حد تئیں سہولتاں ڈیسی،چار ڈھاکیاں توں جاری تنازعہ دے بعد امن افغان عوام دا حق اے۔انہاں گرمجوشی اتے فراخ دلی مزمان نوازی،پاکستان دا موقف سنڑنڑ سمجھنڑ اتے اساڈے پورے وفد دی بہوں چنگے انداز اچ مزمان نوازی تے صدرڈونلڈ ٹرمپ دا شکریہ ادا کیتا۔صدرٹرمپ جینویں تاریخی وائٹ ہاﺅس دے پرائیویٹ حصیاں دی سیرکروائی اے او وی قابل تعریف اے۔وزیراعظم شاندار استقبال تے امریکہ اچ رہونڑ آلے پاکستانیاں دا شکریہ ادا کریندیں ہوئیں آکھیا جو بطور وزیراعظم انہاں دے پہلے دورہ امریکہ تے پاکستانی امریکن کمیونٹی جینویں وڈی تعداد اچ واشنگٹن ڈی سی دے کیپیٹل ایرینا اچ استقبال سانگے آئی اوں تے پاکستانی کمیونٹی دا شکریہ ادا کریندن۔
