کراچی ۔ 10 جولائی (اے پی پی) پاکستان اسٹاک ایکسچینج دے نمائنداں وفاقی حکومت دی معاشی پالیسیاںتے اعتماد دا اظہار کیتے،جڈاں جو وزیراعظم عمران خان آکھیے جو ماضی دی حکومتاں مارکیٹ کوں اپنڑے ذاتی فائدے سانگے استعمال کیتا، ہنڑ معیشت اتے مارکیٹ اچ استحکام آوسی۔ ایہ گالھ عمران خان بدھ کوں اتھاں پاکستان اسٹاک ایکسچینج اتے بنکاراں دے وفود نال ملاقات اچ آکھی۔ ملاقات اچ گورنر سندھ عمران اسمعیل، وزیر بحری امور علی زیدی، وزیر اقتصادی امور حماد اظہر، وزیر آبی وسائل فیصل واوڈا، مشیر تجارت عبدالرزاق داود، مشیر خزانہ ڈاکٹر عبدالحفیظ شیخ، مشیر اصلاحات ڈاکٹر عشرت حسین، چیئرمین ایف بی آر سید شبر زیدی، چیئرمین سرمایہ کاری بورڈ سید زبیر حیدر گیلانی، گورنر اسٹیٹ بینک ڈاکٹر رضا باقروی موجود ہن۔ پاکستان اسٹاک ایکسچینج دے وفد اچ سلمان مہدی، اشرف بھاونے، شہزاد چمیدہ، احمد چنائے، عابد علی حبیب، ناز خان، سعد امان خان، بشیر جان محمد، عقیل کریم ڈھیڈی، عارف حبیب اتے کامران ناصر شامل ہن،جڈاں جو بنکاراں دے وفد اچ یوبی ایل، نیشنل بنک، حبیب بنک، میزان بنک، الفلاح اتے جے ایس بنک دے نمائندے وی ایں موقع تے موجود ہن۔ ارکان صوبائی اسمبلی فردوس شمیم نقوی، حلیم عادل شیخ اور خرم شیر زمان وی موجود ہن۔ ملاقات اچ پاکستان اسٹاک ایکسچینج دے وفد حکومت دی معاشی پالیسیاں تے اعتماد دا اظہار کیتا اتے اینکوں بیا چنگا بنڑاونڑ سانگے مشورے وی ڈتے۔ وزیراعظم وفد نال گالھ مہاڑکریندے ہوئیں آکھیا جو ماضی دی حکومتاں مارکیٹ کوں اپنڑے ذاتی فائدے کیتے استعمال کیتا، ہنڑمعیشت اتے مارکیٹ اچ استحکام آوسی۔
