اسلام آباد ۔ 10 جولائی (اے پی پی) وفاقی وزیر تعلیم تے پیشہ وارانہ تربیت شفقت محمود نال بدھ کوں گلوبل پارٹنرشپ تعلیم (جی پی ای) دے وفد ملاقات کیتی۔ وفد دی قیادت جی پی ای دی کنٹری لیڈر حوا ٹران رنگروز کیتی۔ وفد نال گالھ مہاڑ کریندے ہوئیں وفاقی وزیر آکھیا جوجی پی ای ولوں پاکستان سانگے تعلیمی فنڈ ودھاونڑ خوشی دی گالھ ہے، جی پی ای فنڈز کوں حاصل کرنڑ سانگے سارے صوبے شرائط اتے دستاویزات وختی مکمل کر گھنسن۔ شفقت محمود آکھیا جو گلگت بلتستان، آزاد جموں و کشمیر اتے اسلام آباد دے دیہاتی علاقیاں کوں وی تعلیمی فنڈ اچ حصہ ملنڑ چاہیدے۔ ایں موقع تے گالھ مہاڑکریندے ہوئیں حوا ٹران رنگروز آکھیا جو جی پی ای پاکستان کیتے تعلیمی فنڈ 100 ملین ڈالر توں ودھا تے 125 ملین ڈالر کر ڈتے،ا یہ فنڈ پاکستان اچ تعلیم دے فروغ سانگے استعمال تھیسی ۔ انہاں آکھیا جو صوبے اپنڑیاں کجھ شرطاں پوریاں کر تے ایہ فنڈ حاصل کر سگدن۔ ایں موقع تے ہک بئے نال تعاون ودھاونڑ سانگے بی ملاقاتاں کرنڑ تے اتفاق وی کیتا گیا
