لاہور ۔ 23 اگست (اے پی پی) شہریاں کوں بہترین خدمات دی فراہمی کیتے پنجاب پولیس جدید پولیسنگ دے اصولاں دے مطابق انفارمیشن ٹیکنالوجی کوں موثر استعمال کر یندی پئی اے ، ہاورڈ کینیڈی سکول ولوں پنجاب پولیس دے پبلک سروس ڈلیوری پراجیکٹس دا ریسرچ کیتے انتخاب محکمہ کیتے ہک اعزاز توں گھٹ کائنی کیوں جو بین الاقوامی ماہرین ولوں ملنڑ آلا فیڈ بیک اتے رپورٹس انہاں پراجیکٹس دی کارکردگی کوں بہتر توں بہتر بنڑاونڑ اچ معاون ثابت تھیسی۔اے گال انسپکٹر جنرل پولیس پنجاب کیپٹن (ر) عارف نواز خان سنٹرل پولیس آفس اچ ڈاکٹر عاصم اعجاز دی قیادت اچ آئے ہاورڈ کینیڈی سکول دے ڈو رکنی وفدنال ملاقات کریندے ہوئیں آکھی اے ۔ وفد اچ مس فے ٹریٹ وی ڈاکٹر عاصم اعجاز دے رلے موجود ہن ۔ملاقات اچ ریسرچ اینڈ ڈویلپمنٹ سمیت باہمی دلچسپی دے امور تے تفصیلی تبادلہ خیال کیتا گیا۔
