اقوام متحدہ ۔ 8 اگست (اے پی پی)اقوام متحدہ اچ پاکستان دی مستقل مندوب ڈاکٹر ملیحہ لودھی خمیس کوں چیف ڈی کیبنٹ ماریا لوئیزا ری بیرو ویوٹی نال ملاقات کیتی۔پاکستانی مندوب سلامتی کونسل دے غیر مستقل رکن ملکاں دے سفیراں، بین الاقوامی ذرائع ابلاغ کوں خطے دی تازہ ترین صورتحال بارے ڈسایا۔ایں موقع تے گالھ مہاڑ کریندے ہوئیں ملیحہ لودھی آکھیا جواقوام متحدہ دے جنرل سیکرٹری بھارت نال کشمیر بارے سلامتی کونسل دی قرار داداں تے عملدرآمد کراونڑ۔انہاں آکھیاجو کشمیر بارے قرار داواں مطابق بھارت مقبوضہ کشمیر دا سٹیٹس نی بدل سگدا ۔انہاں آکھیا جو مقبوضہ علاقے کیتے انسانی حقوق اقوام متحدہ دے ہائی کمشنر حالیہ ڈورپورٹاں دی سفارشاں مطابق کمیشن آف انکوائری بنڑایا ویسی۔ڈاکٹر ملیحہ لودھی اقوام متحدہ دے سیکرٹری جنرل انتونیو گوترش توں مطالبہ کیتا جو ا وہ بھارت ولوں مقبوضہ کشمیر دی خصوصی حیثیت ختم کرنڑ دے اقدام دی وجہ نال بنڑن آلے بحران دے حل سانگے اپنڑاں کردار ادا کرنڑ۔پاکستانی مندوب اقوام متحدہ اچ مختلف ملکاں دے سفیراں نال ملاقاتاں جاری رکھیندے ہوئیں انہاں کوں بھارتی اقدام دی وجہ نال خطے دی خراب تھیندی صورتحال بارے وی ڈسایا۔چیف ڈی کیبینٹ ماریا لوئیزا ری بیرو ویوٹی نال ملاقات اچ انہاں آکھیا جو سیکرٹری جنرل بھارت توں جموں وکشمیر بارے سلامتی کونسل دی قرار داداں تے عمل درآمد دا مطالبہ کرنڑ،جیندی مدد نال جموں و کشمیر دی متنازعہ ریاست دے سٹیس اچ کوئی تبدیلی نی کیتی ونج جا سگدی۔
