اسلام آباد ۔ 22 اگست (اے پی پی) اطلاعات و نشریات سانگے وزیراعظم دی معاون خصوصی ڈاکٹر فردوس عاشق اعوان خمیس کوں اپنڑے ہک ٹویٹ اچ آکھیا جو برآمدات اتے ترسیلات زر اچ ودھارا تے درآمدات اچ گھٹکی حکومت دی چنگیاں پالیسیاں دا ثبوت ہے، قوم کوں معاشی محاذ تے خوش خبریاں ملنڑ شروع تھی گن۔انہاں آکھیا جوملکی معیشت دی چنگائی اتے استحکام سانگے حکومتی اقدامات دے ثمرات ظاہر تھیونڑ لگ پن۔انہاں آکھیا جو کرنٹ اکاﺅنٹ خسارہ 2.1 ارب ڈالر توں گھٹ تھی تے 579 ملین ڈالر تے آگئے،ایہ چار سال اچ سبھ توں گھٹ خسارہ ہے،مالی سال 2020ءاچ کرنٹ اکاﺅنٹ خسارے اچ بی 40 فیصد گھٹکی متوقع ہے ،جیندے نال افراط زر اچ گھٹکی اتے ملکی معیشت ودھسی۔آندے مہینے تے سال ملک و قوم کیتے بی خوشخبریاں گھن تے آوسن۔انہاں آکھیا جووزیراعظم عمران خان دی قیادت اچ پاکستان قومی ترقی اتے خوشحالی دی منزل حاصل کرتے راہسی۔فردوس عاشق اعوان آکھیا جو ترسیلات زر اچ ودھار ا باہرلے ملکاں اچ رہونڑ آلے پاکستانیاں دا حکومتی معاشی اصلاحات تے اعتماد دا اظہار ہے ،اتے ایہ ایں گالھ دا ثبوت ہے جو معاشی محاذ تے حکومتی مشکل فیصلے ٹھیک ہن۔انہاں آکھیا جوانشاءاللہ وختی ایندے فائدے عوام تئیں پجسن۔
