اسلام آباد ۔ 7 اگست (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو کشمیر اساڈا مشترکہ اتے قومی کاز ہے، پارلیمان دی قراردار پاکستان دے عوام دیاں امنگاں دی ترجمان اتے کشمیریاں دے جذبات دی عکاس ہوسی۔ بدھ کوں اپنڑے ٹویٹ اچ انہاں آکھیا جو مظلوم کشمیری اج پاکستان دی پارلیمان دے پاسے ڈیکھدے پن ۔امید کریندوں جو اپوزیشن ذمے دارانہ کردار ادا کریندے ہوئیں اجلاس کوں سیاست کیتے استعمال کائناں کریسی۔وزیراعظم عمران خان پارلیمان اچ کشمیریاں دے جائز اتے قانونی حق دی ترجمانی کیتی۔انہاں بھارت دا حقیقی انتہا پسندانہ چہرہ دنیا دے سامنڑے بے نقاب کرڈتے ۔وزیراعظم پوری دنیا کوں ڈسائے جو کشمیر ہک بنیادی جھیڑا اے جیں کوں حل کیتے بغیر اچ پائیدار امن ہک خواب رہسی۔
