اسلام آباد ۔ 8 اگست (اے پی پی) پاکستان جاری سال ماحولیات دے تحفظ دے وڈے فورم آئی یو سی این ایشیاءریجنل کنزرویشن دی میزبانی کریسی،جیرھا جونومبر اچ تھیسی۔ ایں بارے ہک اجلاس خمیس کوں اتھاں وزیراعظم دے مشیر موسمیاتی تبدیلی ملک امین اسلم دی صدارت اچ تھیا۔ اجلاس اچ آئی یو سی این ایشیاءدے ہیڈ آف نیچرل ریسورس گروپ، ریجنل ڈائریکٹر، آئی یو سی این پاکستان دے سربراہ اتے مختلف رکن ملکاں دے سفیراں شرکت کیتی۔ وزیراعظم دے مشیر موجودہ حکومت ولوں ماحولیات دے تحفظ سانگے شروع کیتے گئے پروگراماں بشمول 10 بلین ٹری سونامی اتے صاف و سبز پاکستان دے نمایاں خدوخال کو ں اجاگر کیتا۔ اجلاس اچ فیصلہ کیتا گیا جو پاکستان جاری سال ریجنل کنزرویشن فورم دی میزبانی کریسی،جیرھا جو نومبر 2019ءکوں اسلام آباد اچ تھیسی۔ ملک امین اسلم اینکوں ہک مثبت پیشرفت آکھیا۔انہاں آکھیا جو سبھ توں وڈے ماحولیاتی فورم دی میزبانی کرنڑ پاکستان کیتے ہک اعزاز ہو سی۔
