اسلام آباد ۔ 13 اگست (اے پی پی) وزیر اعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو کوئی جبر، کوئی ظلم، کوئی کرفیو، کوئی ہتھکڑی اتے کوئی قید خانہ کشمیریاں کوں غلام نئیں بنڑا سگدا،عید تے کشمیریاں کوں مذہبی عبادات توں روکنڑ بھارت دے غاصبانہ قبضے کوں ثابت کریندے ہک ٹویٹ اچ انہاںا ٓکھیے جو قربانی دے ڈینہہ مسلماناں کوں انہاں دا اہم ترین مذہبی تہوارمناونڑ توں روکنڑ ثابت کریندے جو سیکولر اتے جمہوری بھارت مودی دے ہتھوں ماریا گئے۔ انہاںا ٓکھیے جو کشمیریاں اتے پاکستانیاں دی خوشی اتے غم سانجھے ہین، کشمیر اچ آزادی دا سجھ ابھر تے راہسی،جیکر مودی سرکار بھارتی تسلط دی پالیسی نہ چھوڑی تاں خطے دے امن کوں شدید خطرات تھی ویسن۔ انہاں آکھیا جو بھارت اپنڑے انتہا پسندانہ رویے تے نظر ثانی کرے، کشمیر بین الاقوامی سطح تے منیا ہویا ہک متنازعہ علاقہ اے، جیندا حل اقوام متحدہ دیاں قرارداداں نال ہی ممکن اے۔
