وزیراعظم عمران خان دے دورہ امریکہ دا محور مسئلہ کشمیر ہو سی، کشمیر اچ صورتحال حال بد توں بدترین تھیندی ویندی ہے، پاکستان اتے بھارت وچال جنگ دے امکانات کوں نظر انداز نی کیتا ونج جا سگدا وزیراعظم دے معاون خصوصی اوورسیز پاکستانیز ذوالفقار بخاری دا غیر ملکی جریدے ”نیوز ویک“ کو ں انٹرویو

اسلام آباد ۔ 19 ستمبر (اے پی پی)وزیراعظم دے معاون خصوصی اوورسیز پاکستانیز ذوالفقار بخاری آکھیے جووزیراعظم عمران خان دے دورہ امریکہ دا محور مسئلہ کشمیر ہو سی، کشمیر اچ صورتحال حال بد توں بدترین تھیندی ویندی ہے، پاکستان اتے بھارت وچال جنگ دے امکانات کوں نظر انداز نی کیتا ونج جا سگدا ۔ا یہ گالھ انہاں غیر ملکی جریدے نیوز ویک کوں انٹرویو ڈیندے ہوئیں آکھی۔ انہاں آکھیا جو پاکستان اتے بھارت وچال ایں مسئلے تے ترائے جنگاں تھی چکیاں ہن، کشمیر اچ صورتحال حال بد توں بدترین تھیندی ویندی ہے،ڈوہائیں ملکاں وچال تعلقات تریخ دے بدترین موڑ تے ہن، بھارت دی آئین اچ تبدیلی دے بعد پاکستان مذاکرات دی ساریاں کوششاں کوں روک ڈتے۔ ذوالفقار بخاری آکھیا جو پاکستان دا ہکو مقصد کشمیر اچ تھیونڑ آلی انسانی حقوق دی خلاف ورزیاں اتے منظم نسل کشی تے روشنی پاونڑ ہے، پاکستان کوں چین، ترکی، ملائیشیاءاتے ایران ورگیاں قوماں دی سپورٹ حاصل ہے۔ امریکی صدر ٹرمپ اتے وزیراعظم عمران خان ملاقات دے حوالے نال انہاں آکھیا جو ڈوہائیں لیڈراں دے آپس اچ چنگے تعلقات ہن۔ ڈوہائیں غیر روایتی سیاستدان ہن۔ انہاں آکھیا جو بھارت کوئی فالس فلیگ آپریشن کرتے ایندا الزام پاکستان تے لا سگدے۔