غزہ ۔ 13 نومبر (اے پی پی) اسرائیلی فوج غزہ تے فضائی حملہ کیتے جیندے اچ بئے3 فلسطینی شہید تھی گین۔العربیہ ٹی وی موجب اسرائیلی جنگی جہازاں منگل اتے بدھ دی وچلی رات باغی گروہ دیاں کمین گاہیں کوں چُٹیے۔اسرائیلی فوج دے فضائی حملیاں اچ10 فلسطینی شہید تھین جیندے اچ جہاد اسلامی داہک کمانڈراتے اوندی زال وی موئی اے۔اسرائیلی فوج ہک بیان اچ آکھیے جو غزہ دی سرحد تے ریزرو فوج دے دستے اتے ٹینک پچا ڈتے گین اتے سمندری حدوداچ مچھی پکڑن تے وی پابندی اے۔ڈوجھے پاسو یورپی یونین اسرائیل توں غزہ دی پٹی تے مسلسل جارحیت روکنڑدامطالبہ کیتے اتے غزہ نال اسرائیل دی کشیدگی تے چنتا کریندے ہوئے آکھیے جیکر اے جنگ ودھ گئی تاں ایندے نال بہوں ودھ جانی زیان تھیسی۔
