اسلام آباد ۔ 13 نومبر (اے پی پی) وزیر اعظم عمران خان ااکھیے جو ملکی معیشت تکڑی تھیندی پئی اے، بیرونی سرمایہ کاریا ٓونڑ لگ گئی اے، معاشی اعشاریئے چنگے تھیندے پین، آندے مرحلے اچ نینگراں کوں روزگار دے موقع ڈیونڑ تے کم کریسوں۔اے گالھ انہاں اسلام آباد اچ پاکستان اچ ٹائراں دی تیاری کیتے مقامی کمپنیاں اتے چینی کمپنیاں وچال معاہدے تے دستخط کرنڑ دی تقریب نال خطاب اچ آکھی۔انہاں آکھیا جو پاکستان اچ روپے دی قدر تکڑی تھئی اے،غیرملکی سرمایہ کاری آندی پئی اے، معیشت سدھری اے، ڈالر دا زور ترٹدا پئے، آئی ایم ایف، ایشین ڈویلپمنٹ بینک اتے عالمی بینک پاکستان اچ معاشی استحکام اتے کاروبار کوں سوکھا کرنڑکیتے اقدامات دا اعتراف کیتے،ورلڈ بنک دی وپار سوکھا کرنڑ کیتے پاکستان بارے رپورٹ موجب پاکستان دی درجہ بندی اچ 28 درجے بہتری حکومتی پالیسیاں دی کامیابی دا ثبوت اے۔ وزیراعظم آکھیے جو حکومت سرنائیہ کاری ودھاونڑ، نینگراں کوں روزگار ڈیونڑ کیتے کم کریندی پئی اے،ایں سانگے برآمدات ودھائے ویندے پین ۔انہان آکھیے جو مقامی سطح تے ٹائڑ بنڑ نال سرمایہ کاریودھاونڑ، سمگلنگ روکنڑ،قیمتی زرمبادلہ بچاونڑ اتے کرنٹ اکاﺅنٹ خسارے تے قابو پاونڑ اچ مدد ملسی، اساں پاکستان اچ سرمایہ کاری کیتے بیرونی سرمایہ کاراں کوں ودھ سہولتاں ڈیندے پئے ہین۔
