اسلام آباد ۔ 8 نومبر (اے پی پی) وفاقی وزیر مواصلات مراد سعید آکھیے جو پاکستان اتے وفاق کوں خطرہ کائنی،اپوزیشن کوں عوام دا نئیں صرف اقتدار دا درد اے،وزیراعظم عمران خان تے پوری قوم کوں مانڑ اے،اپوزیشن دے لوک منی لانڈرنگ ، جعلی اکاﺅنٹس کیسز اچ ملوث ہین، جڈاں کوئی الزام سچا نئیں تھیا تاں اے اسلام ااباد تے چڑھائی کرنڑآ گین،کل اے عمران خان کوں مذہبی آہدے ہن اج اپنڑے مطلب لو انہاں کوں لبرل آہدن،انہاں کولوں اپنڑے لیڈراں دی بیماری،انہاں دے پروڈکشن آرڈر جاری رکاونڑاتے ڈھیل ڈیونڑ دے علاوہ بیا کوئی ایجنڈا کائنی۔ اے گالھ انہاں قومی اسمبلی اجلاس اچ گالھ مہاڑ کریندے آکھی۔انہاں آکھیے جو2014ءدے دھرنے ویلھے اپوزیشن دے سارے اجلاس سپیکر دے گھر تھیندے ہن، اج جیکر سپیکر کسٹوڈین ہوندے ہر کہیں کوں اگو تے گھدی ویندن تاں ایندی تعریف تھیونڑی چاہیدی اے،اپوزیشن دے سارے الزامات کوڑ دی گنڈھڑی ہین، وزیراعظم جیویں امریکا اچ اسلام، کشمیراتے پاکستان دا مقدمہ لڑیے ایندے تے پوری قوم کوں مانڑ اے،سپیکر سچے عاشق رسول ہین، ناموس رسالت تے ساڈی جان وی قربان اے بھل اپوزیشن ہمیشہ نان ایشوز تے ہی الوائے،اے باہرو ونج تے اپنڑے آپ کوں لبل آہدن اتے اتھاں مذہبی کارد کھیڈدن،پاکستان اتے وفاق ڈوہین سلامت راہسن بھل انہاں دی سیاست مک سمسی۔
