اسلام آباد ۔ 20 نومبر (اے پی پی) وفاقی وزیرتوانائی تے پٹرولےم عمر ایوب خان آکھیا جو متبادل توانائی ہک انقلابی پالیسی اے،پچھلی حکومت ساڈھے ترائے ہزار میگاواٹ متبادل توانائی دے منصوبے ختم کیتے جیڑھے جو اساں بحال کیتن،حکومت سستی اتے ماحول دوست بجلی تے ترجیح ڈیندی پی اے،متبادل ذرائع توں 2025ءتئیں 8ہزار میگاوٓٹ بجلی بنڑاونڑ اساڈا ہدف اے،2030ءتئیں ودھ کلین این گرین انرجی ہوسی،متبادل توانائی دے شعبے اچ 40ارب ڈالر دی سرمایہ کاری دے موقع موجود ہن،سستی بجلی بنڑاونڑ آلے صنعتی سرگرمیاں اتے برآمدات کوں ودھیسی،نیلم جہلم سرچارج وی جلدی ختم تھی ویسی،80فیصد فیڈرز تے لوڈشیڈنگ ختم کر ڈتی اے۔اے گالھیں انہاں بدھ کوں پریس کانفرنس کریندیں ہوئیں آکھی۔انہاں آکھیا جو مسلم لیگ ن دے دور اچ 17روپے یونٹ مہانگی بجلی بنڑائی گئی اے۔انہاں آکھیا جو سستی بجلی بنڑاونڑ نال صنعتی سرگرمیاں اتے برآمدات ودھسی،متبادل توانائی دے شعبے اچ 40ارب ڈالر دی سرمایہ کاری وے موقع موجود ہن،گزریل سال دے مقابلے اچ ریونیو229ارب روپے دا ودھارا تھیے،بجلی دی چوری روکنڑ اتے کارکردگی بہتر تھیونڑ نال 111ارب روپے دی بچت تھئی اے۔
