بیجنگ ۔ 25 نومبر (اے پی پی) چین دی ریلوے آکھیے جو اجوکے سال دے چھیکڑ تئیں چین اچ تکھی رفتار ریلوے نیٹ ورک دی کل لمبائی 35000 کلو میٹر تئیں پج ویسی جیرھی جو دنیا دی ساریں توں وڈی ریلوے لائن اے ۔اندازے دے مطابق 2019اچ چین اچ ریلوے دے ذریعے سفر کرنڑ آلیں دی تعداد کل 3.6 ارب ہوسی جیرھی جو 2012ءدے مقابلے اچ 92 فیصد ودھ اے۔ایندے علاوہ اجوکے سال چین لاﺅس ریلوے ، جکارتہ بینڈنگ ہائی سپیڈ ریلوے اتے ہنگری سربیا ریلوے جیہوجے باہرلے منصوبیں اچ وی پیشرفت تھئی اے جیں اچوں چین دے ریلوے دے عالمی وقار اچ ودھارا تھئے ۔
