اسلام آباد ۔ 19 دسمبر (اے پی پی)پاک فوج سابق صدر جنرل ریٹائرڈپرویز مشرف بارے عدالت دے فیصلے تے اپنڑے خدشات درست قرار ڈتن اتے بری فوج دے سربراہ جنرل قمر جاوید باجوہ وزیراعظم عمران خان نال ملین اتے عدالتی فیصلے دے قانونی پہلواں دا جائزہ گھدے اتے فیصلے اچ استعمال تھیونڑ آلی زبان تے اپنڑے تحفظات تے کھل تے الوائے۔ڈوہاں دی ملاقات اچ معاملے تے اہم فیصلے کیتے گین،اے گالھ پاک فوج دے شعبہ تعلقات عامہ آئی ایس پی آر دے ڈائریکٹر جنرل میجر جنرل آصف غفور ہک نیوز کانفرنس اچ ڈسائی اے۔ انہاںا ٓکھیے جو ملاقات اچ تھیونڑ آلے اہم فیصلیاں دی تفصیل حکومت ولوں تیکھے پیش کیتی ویسی۔انہاں ڈسایا جو ملاقات اچ ملکی اجوکی صورتحال خاص کر سابق صدر جنرل ریٹائرڈ پرویز مشرف دے خلاف عدالتی فیصلے دے قانونی و آئینی پہلواں داجائزہ گھدا گئے اتے فیصلے دے حوالے آندی حکمت عملی بارے اہم فیصلے کیتے گین۔ ملاقات اچ ملکی ترقی اتے استحکام کیتے سانجھاں کوششاں جاری رکھنڑ،دشمن دیاں سازشاں رل تے ناکام بنڑاونڑ سودھاملکی دفاع اتے ادارے دے وقار دا تحفظ یقینی بنڑاونڑ تے اتفاق کیتا گئے۔
