لندن۔ 13دسمبر(اے پی پی)برطانیہ اچ گزریل پنج سال توں وی گھٹ عرصے اچ تھیونڑ آلے تریجھے اتنخابات اچ موجودہ وزیراعظم بورس جانسن دی کنزرویٹو پارٹی کوں واضح اکثریت مل گی اے۔برطانوی انتخابات اچ 16 پاکستانی نژاد اپنڑیاں نشستاں تے کامیاب تھن جیں اچ لیبر پارٹی دے خالد محمود، ناز شاہ، یاسمین قریشی، افضل خان، طاہر علی اتے کنزرویٹو پارٹی دے رحمان چشتیاور ثاقب بھٹی شامل ہن، برطانوی انتخابات دے نتیجے نال ایشیائی نژاد برطانوی شہری خوش تھی گن ۔ ووٹنگ دا عمل مکنڑ دے بعد برطانوی عام انتخابات دے نتیجے دے مطابق حکمران جماعت کنزرویٹو پارٹی کم از کم 361سیٹاں جت گھدن جڈاں جو کجھ سیٹاں اچ حالی فیصلہ آونڑ باقی اے ۔اپنڑی جماعت دے جتنڑ تے وزیر اعظم بورس جانسن آکھیے جو انہاں دے نتیجے نال بریگزٹ کیتے بھرپورمینڈیٹ مل گے ۔ بورس جانسن آکھیے جو او آندے مہینے تئیں برطانیہ کوں یورپی یونین توں کڈھ گھنسن ۔ ہک بیان اچ لیبر پارٹی دے سربراہ جیریمی کوربن آکھیے جو اے رات لیبر پارٹی کیتے مایوس کن اے ۔ انہاں آکھیے جو او غور و فکر دے ایں عرصے اچ اپنڑی جماعت دا ساتھ ڈیسن لیکن اگلے الیکشن اچ لیبر پارٹٰ دی سربراہی کائناں کریسن ۔ اجوکے ایگزٹ پول اچ کنزرویٹو پارٹی کوں برطانوی عام انتخابات اچ 361 سیٹاں ، لیبر پارٹی کوں 203، سکاٹش نیشنل پارٹی کوں 49 اتے لیب ڈیمز کوں 12 سیٹاں مل چکن ۔
