اسلام آباد ۔ یکم دسمبر (اے پی پی) وزیراعظم عمران خان آکھیے جو طلباءتنظیماں دی بحالی کیتے جامع ضابطہ اخلاق بنڑاونڑسانگے مہاندریاں عالمی یونیورسٹیاں دے تجربیاں توں فیدہ چیسوں۔اپنڑے ہک ٹویٹ اچ وزیراعظم آکھیے جو طلبہ تنظیماں مستقبل دی قیادت اتے طلباءدی کردار سازی اچ اہم کردار ادا کریندن، اساں بین الاقوامی شہرت یافتہ یونیورسٹیاں دے تجربیاں توں سکھدے ہوئے ہک چنگاں ضابطہ اخلاق بنڑیسوں تاں جو طلباءتنظیماں بحال تھیون اتے ملک دی مستقبل دی قیادت بنڑ تے ساڈے نینگراں کوں اگو تے ودھنر مدد ڈیون۔وزیراعظم آکھیے جو یونیورسٹیاں مستقبل دے رہنمابنڑیندن اتے طلبہ تنظیماں ایندے اچ اہم کردار ادا کریندن بھل بدقسمتی نال پاکستان اچ یونیورسٹی طلباءتنظیماں پرتشدد میدان جنگ بنڑ گین جیں یونیورسٹیاں دا فکری ماحول تباہ کیتے۔
