اسلام آباد ۔ 10 دسمبر (اے پی پی) وزیر اعظم عمران خان آکھیے جو قابض بھارتی حکومت سارے انسانی و بین الاقوامی قوانین دے برعکس مقبوضہ وادی اچ کشمیری نینگراں ، بالاں تے تریمتاں دابہیمانہ قتل عام بند کرے، اساں حق خود ارادیت کیتے میدان عمل اچ ڈٹیے ہوئے کشمیریاں کوں سلام پیش کریندوں تے پوری ثابت قدمی نال انہاں دے رلے کھڑوں ،اساکوں عالمی ضمیر ، عالمی قانون دے پاسداران اتے سلامتی کونسل توں اپیل کرنڑیں کرنڑیں چاہیدی اے او مقبوضہ کشمیر تے بھارتی حکومت دے ناجائز قبضے دے خلاف اقدامات کرن ۔ انہاں اے گال منگل کوں سماجی رابطے دی ویب سائٹ تے ٹویٹ اچ آکھی اے ۔ وزیر اعظم آکھیے جوموجودہ حکومت رسول کریم ﷺ دے روشن فرامین خصوصاً خطبہ حجة الوداع دی روشنی اتے دستور پاکستان دی روح دے مطابق بلا تفریق اپنڑے سارے شہریاں دے حقوق دے تحفظ کیتے پرعزم اے ۔انہاں آکھیے جو انسانی حقوق دے عالمی ڈینھ تے اہل اسلام کوں مساوات، عدل و انصاف اتے انسانی حقوق دے تحفظ دا او پیغام یاد رکھنڑاں چاہیدے جیرھا جو اساڈے نبی مہربان ﷺ 14 سو سال پہلے ڈتا ہئی۔ اے پیغام انسانی حقوق اتے تکریم آدمیت دی تعظیم جیرھا ارفع اوصاف دا حامل اے۔ انہاں آکھیے جو انسانی حقوق دے عالمی ڈینھ دے موقع تے اساکوں عالمی ضمیر، عالمی قانون دے پاسداران اتے سلامتی کونسل توں اپیل کرنڑیں چاہیدی اے جو او مقبوضہ کشمیر تے قابض بھارت سرکاردے ناجائز قبضے دے خلاف اقدامات کرن۔ اساں قابض بھارتی حکومت دے مقبوضہ کشمیر دے 4 مہینے توں ودھ عرصے تے محیط محاصرے دی ودھ ساری مذمت کریندوں ۔
