اسلام آباد ۔ 08دسمبر(اے پی پی)وزیر اعظم عمران خان دی 35ویں سارک چاٹرڈے تے سارک رکن ملکاں دی عوام کوں مبارکبادڈیندیں ہوئیں آکھیا جو اج دے ڈینھ دور اندیش رہنماواں جنوبی ایشیا دی ترقی سانگے سارک چارٹر بنڑایا،اج دا ڈینھ خطے توں غریبی،جہالت اتے بیماری دے خاتمے آلے پاسے اساڈی توجہ ڈویندے،پاکستان انفرادی،قومی اتے خطے دی ترقی دے علاقائی تعاون دی طاقت تے یقین رکھیندے۔35ویںسارک چارٹر ڈے دے موقع تے اپنڑے سنھیے اچ وزیراعظم عمران خان آکھیا جو یقین اے جو برادری دے اصولاں تے رہندیں ہوئیں موثر علاقائی تعاون کوں ممکن بنڑایا ونج سگدے۔وزیراعظم جنوبی ایشیاءدے امن،ترقی اتے خوشحالی سانگے نیک تمناﺅاں دا اظہار کیتا۔
