اسلام آباد ۔ 9 جنوری (اے پی پی) وزارت خزانہ آکھیے جو اقتصادی استحکام اتے ودھوتری دے حکومتی جامع اقدامات پاروں ملکی معیشت استحکام دو ویندی پئی اے،2020ءمکنڑ تئیں اقتصادی بحالی دا امکان ڈسداپئے۔ہک بیان اچ وزارت دے ترجمان آکھیے جو جامع ودھوتری ، زرعی، صنعتی اتے خدمات دے شعباں تے ودھ توجہ سانگے حقیقی ودھوتری تھیسی،حکومت اقتصادی چیلنج چنگے سمجھدی اے اتے مہانگ گھٹ کرنڑ،روزگار دءموقع ودھاونڑ،شرح نمو دی ترقی دے اقدامات نال انہاں چیلنجاں نال نمٹنڑ دی پالیسی اپنائی گئی اے۔ بہتر اقتصادی اشاریاں نال امید اے جو پاکستان عالمی بینک دے اندازے توں ودھ تے گروتھ ریٹ ڈیسی۔ترجمان موجب معاشی استحکام کیتے حکومت دے اقدامات اتے ایڈجسٹمنٹ پالیسی دے طنگے نتیجے نکلدے پین اتے حسابات جاریہ دے خسارے اچ جولائی توں نومبر 2019ءتئیں 72.9 فیصد کمی ریکارڈ کیتی گئی اے، جی ڈی پی دی شرح نال مالیاتی خسارہ اچ 1.6 فیصد یا 686 ارب روپے دی کمی تھئی اے،پرائمری بیلنس 117 ارب روپے ودھیے۔ایویں ہی ایف بی آرولوں محصولات دی مداچ 16.4 فیصد اضافہ ریکارڈتھئے۔وپار سانگے عالمی ریٹنگ وی ودھی اے۔
