اسلام آباد ۔ 21 جنوری (اے پی پی)صدر مملکت ڈاکٹر عارف علوی آکھیے جو ایف اے ٹی ایف کوں سیاسی مقاصد کیتے استعمال نی تھیونڑاں چاہیدا ،وزیر اعظم وی ایں معاملے تے امریکی صدر نال گال کرچکن ، مہنگائی اتے افراط زر تے قابو پاونڑ کیتے محنت دی ضرورت اے ۔ اے گال انہاں منگل کوں ایوان صنعت و تجارت دی تقریب نال خطاب کریندے ہوئیں آکھی اے ۔ صدر مملکت آکھیے جو مہنگائی تے قابو پائے بغیر شرح سود کوں گھٹ نی کیتا ونج سگدا ۔ مہنگائی اتے افراط زر تے قابو پاونڑ کیتے محنت دی ضرورت اے ۔ انہاں آکھیے جو ایف اے ٹی ایف کوں سیاسی مقصد کیتے استعمال نی تھیونڑاں چاہیدا ۔ وزیر اعظم وی ایں معاملے تے امریکی صدر نال گال کرچکن ۔ صدر مملکت آکھیے جو افرادی قوت دے حوالے نال پاکستان دنیا دا چھیواں وڈا ملک اے ۔اساڈا چیلنج اے جو مہنگائی گھٹ کرتے لوکاں دی قوت خرید کوں ودھاونڑاں اے ۔ پاکستان اچ افرادی قوت نینگراں تے مشتمل اے ۔ انہاں آکھیے جو پاکستان اچ اعلیٰ تعلیم یافتہ لوک موقع نہ ہوونڑ پاروں باہرلے ملک چلے ویندن ۔ پاکستان اچ فلاحی کماں اچ مخیر حضرات دا بہوں وڈا کردار اے ۔ چھوٹے اتے درمیانے درجے دیاں صنعتاں کوں ودھارا ڈیونڑ دی ضرورت اے ۔
