اسلام آباد ۔ 27 جنوری (اے پی پی) ایوان بالا ’ موضع بہونگ تحصیل صادق آباد، ضلع رحیم یار خان اچ ملتان ۔ سکھر موٹر وے تے انٹر چینج بنڑاونڑ سانگے فوری اقدامات کرنڑ دی قراردادمنظورکرگھدی اے۔ قرارداد دے حق اچ 19 اتے مخالفت اچ 10 ووٹ پاتے گئے ۔سنوار کوں ایوان بالا دے اجلاس اچ سینیٹر جاوید عباسی قرارداد پیش کیتی جو ملتان ۔ سکھر موٹر وے تے تحصیل صادق آباد اچ 1.1 ملین آبادی دی تحصیل کو ں ملاونڑ سانگے کوئی انٹرچینج کائنی بنڑایا گیا جئیں پاروں انہاں کوں سندھ اچ بہوں پرے گدو انٹرچینج کوں استعمال کرنڑ تے مجبورکیتا گے ایں سانگے موضع بہونگ تحصیل صادق آباد، ضلع رحیم یار خان اچ ملتان ۔ سکھر موٹر وے تے انٹر چینج بنڑاونڑ دے اقدامات کیتے ونجن۔ قرارداد دے حق اچ 19 اتے مخالفت اچ 10 ووٹ پاتے گئے جئیں دے بعد قراردادکثرت رائے نال منظور کر گھدی گئی ۔
