اسلام آباد ۔ 15 جنوری (اے پی پی) وزیراعظم عمران خان آکھیا جو عوام دی اوکھ بارے چنگی طرح جانڑدوں،حکومت تعمیراتی شعبے کوں ودھاونڑ سانگے پوری سہولت ڈیسی،ریاستی املاک کوں تعمیرات خصوصی طور گھٹ آمدنڑ آلےاں سانگے کم لاتا ویندا پے۔اے گالھیں انہاں بدھ کوں تعمیراتی شعبے دے ودھارے بارے اجلاس دی صدارت کریندیں ہوئیں آکھی۔اجلاس اچ مشیر خزانہ ڈاکٹر عبدالحفیظ شیخ، چیئرمین نیا پاکستان ہاو ¿سنگ اتھارٹی لیفٹنٹ جنرل(ر) انور علی حیدر، ایسوسی ایشن آف بلڈرز اینڈ ڈویلپرز دے نمائندے محمد حسن بخشی اتے سینئر افسرشریک تھیے۔مشیر خزانہ ڈاکٹر عبدالحفیظ شیخ ’ وزیرِ اعظم کوں تعمیراتی شعبے دے ودھارے بارے حکومتی کوششاں اتے ہنڑ تئیں تھئی پیش رفت بارے ڈسیا۔وزیراعظم اجلاس نال خطاب کریندیں ہوئیں آکھیا جو تعمیراتی شعبے کوں ودھاونڑ حکومت دی پہلی ترجیح اے۔انہاں آکھیا جو حکومت دی پوری کوشش اے جو معاشی عمل تکھا تھیوے اتے کاروباری سرگرمیاں ودھین اتے لوکاں کوں ریلیف ملے۔
