اسلام آباد ۔ 28 جنوری (اے پی پی) پاکستان بیت المال دے منیجنگ ڈائریکٹر عون عباس آکھیے جو پورے ملک دے مستحق نادار لوکاں دی فلاح بہبود ،علاج دیاں سہولتاں ڈیونڑ سرکاری شعبے دی جامعات دے مستحق طلبا کوں تعلیمی وظیفے ڈیونڑ ترجیح اے، بیوہ تے یتیماں دی کفالت تے بااختیاری تے خصوصی لوکاں خاص جمدے لاءسنڑنڑ دی صلاحیت توں محروم بالاں کوں گھٹ توں گھٹ آذان دی آواز سنڑنڑ دے قابل بنڑاونڑ کیتے سمعی آلات ،وہیل چیئر تے مصنوعی اعضاءڈیونڑ کیتے بیت المال اپنڑیاں ذمے واریاں بہوں حساسیت نال پوریاں کریندا پئے ، دارالاحساس دی تعداد 36 توں ودھا تے 55کیتی گئی اے جیرھی جو اجوکے سال 80 تئیں کرڈتی ویسی ۔اے گال انہاں قومی خبر رساں ادارہ ”اے پی پی“ دے دورے تے خصوصی پینل انٹرویو دے دوران آکھی اے۔ انہاں ایں موقع تے ادارے دے مختلف شعبیں دا دا دورہ وی کیتا ۔ اے پی پی دے ایگزیکٹو ڈائریکٹر غواث خان اتے ڈائریکٹر نیوزشفیق قریشی وی انہاں دے رلے ہن ۔ ڈائریکٹر نیوز شفیق قریشی مختلف اخباراں تے ٹی وی چینلز کوں مصدقہ خبراں، تصویراں تے ویڈیونیوز رپورٹس ڈیونڑ تے بہوں ساریاں زباناں اچ خبراں دے جاری تھیونڑ دے ھوالے نال اے پی پی دے پیشہ ورانہ امور تے معزز مہمان کوں بریفنگ ڈتی ۔ مینجنگ ڈائریکٹر عون عباس بپی قومی خبر رساں ادارے دی پیشہ وارانہ خدمات دی تعریف کیتی تے آکھیا جو مصدقہ خبراں ڈیونڑ دے حوالے نال ” اے پی پی“ دا منفرد کردار قابل ستائش اے۔ انہاں آکھیے جو پاکستان بیت المال دے مینجنگ ڈائریکٹر دی ذمے واری میں کیتے کہیں نعمت توں گھٹ کائنی ، 15مہینے اچ خدمت دا جیرھا موقع ملیے پہلے کڈاہیں نی ملیا وزیراعظم عمران خان جیرھے اعتماد دا اظہار کیتے ایندے تے پورا لہنڑ کیتے ڈینھ رات کم کریندے پیوں ، انہاں آکھیے جو پاکستان بیت المال تربت توں ہنزہ تئیں سرکاری شعبہ دی 80 جامعات دے مستحق اتے قابل طلباءکوں تعلیمی وظیفے ڈیونڑ کیتے خود خط بھیجن تاں جو ادارہ تعلیمی کیتے وی حکومتی کوششاں اچ حصہ پاسگے ،انہاں آکھیے جو 40 یونیورسٹیاں نال ہک ایم او یو تے دستخط کیتے گن جیں دے تحت مستحق تے قابل طلبا کیتے ہک لکھ روپے تئیں تعلیمی وظیفے ڈتے ویسن جڈاں جو باقی ماندہ یونیورسٹیاں دے نال وی وختی دستخط کیتے ویسن ، پاکستان بیت المال محدود وسائل دے باوجود اعلی تعلیم حاصل کرنڑکیتے پورے ملک دی سرکاری شعبہ دی جامعات دے8500 مستحق طلباءکوں گرزریل ہک سال تعلیمی وظیفے ڈتے ۔انہاں آکھیے جو 55 تھیلیسیمیا سنٹر پورے ملک اچ کم کریندے پن جتھاں مستحق بالاں کوں محفوظ انتقال خون ڈیونڑ دے نال نال پتے دے ودھنڑ دے تدراک کیتے وی 10ہزار روپے دیاں مفت دوائیں ڈتیاں ویندیاں پن ،انہاں آکھیے جو بیت المال دے رفاحی کماں اچ سفارش اتے بد عنوانی دا عنصر صفر اے جیں نال ادارے دی نیک نامی تھئی اے پورے ملک دے عملے دے تربیت ڈتی ویندی پئی اے جو چنگی گال چنگاں لباس تے بہتر انداز اچ خوش اخلاقی نال پیش آیا ونج سگے ،انہاں آکھیے جو مستحق مریضاں دے علاج کیتے2 ارب روپے اتے کینسر دے مریضاں کوں 10 لاکھ روپے دامفت علاج کراونڑ کیتے اعانت کیتی گئی اے ،انہاں آکھیے جوسماعت توں محروم بالاں کوں کلیئر آلہ لاونڑ دے علاوج تے 13 توں 18 لکھ روپے تئیں خرچہ آندے لیکن فنڈز گھٹ ہوونڑ پاروں پاکستان بیت المال مخیر اداریں توں عطیات کٹھے کرنڑ شروع کرڈتن تے صرف ہک خاندان اپنڑی زکواة توں 11 کروڑ روپے دا عطیہ پاکستان بیت المال کوں ڈتے ،انہاں آکھیے جو 534 لوکاں کوں اے سہولت ڈتی گی 8سال دی عمر دے بالاں دے علاج کیتے چار ہسپتالاں 10لکھ اچ علاج کرنڑ تے اتفاق کیتے جیں دا معاہدہ آندی سنوار کوں طے تھی ویسی انہاں آکھیے جو ڈاکٹر ثانیہ نشتر نال ایں پروگرام تے گال تھئی اے جنہاں 50 کروڑ روپے ڈیونڑ دا یقین ڈیوائے ۔ ایم ڈی بیت المال آکھیا جو ایجھے بال گھٹ توں گھٹ آذان دی آواز سنڑ سگسن تے جڈاں بولیسن وزیر اعظم عمران خان کوں دعا ضرور ڈیسن ۔
