اسلام آباد ۔ 25 جنوری (اے پی پی) سپیکرقومی اسمبلی اسدقیصرآکھیے جو دہشت گردی پاروں ساڈے انفراسٹرکچرکوں شدید نقصان پجیے اتے صنعت دا شعبہ متاثرتھئے،دہشت گردی دے خلاف جنگ پاروں خیبرپختونخواکوں بہوں جیان تھئے اتے کوئی وی ساڈا ضلع نئیں محفوظ ریہا۔اے گالھ انہاں زراعت دے جدیدطریقاں نال غذائی تحفظ اتے بلاسود قرض ونڈنڑ دی تقریب نال خطاب اچ آکھی۔انہاں آکھیے جو ملکی ترقی کیتے ساکوں رل مل تے کم کرنڑا ہوسی اتے پہلے اپنڑی سوچ بدلنڑی ہوسی جو اساں اپنرے ملک کوں کیا ڈتے؟سپیکرقومی اسمبلی اسدقیصرآکھیا جو اساں اوکھے حالات توں نکلدے پئے ہیں،وزیراعظم عمران خان کوںاللہ تعالیٰ بہوں وڈے امتحان توں پار کیتے،او ڈینھ آونڑ آلا اے جڈاں پاکستان اچ ترقی،خوشحالی اتے کامیابی دا سجھ ابھرسی۔
