بیجنگ ۔ 30 جنوری (اے پی پی) چین اچ کرونا وائرس نال مرنڑ آلے لوکاں دی تعداد 170اے جڈاں جو ایں وائرس دے تصدیق شدہ کیسز دی تعداد 7711تھی گئی اے ۔خمیس کوںچین دے نیشنل ہیلتھ کمیشن ڈسائے جو بدھ کوں خود مختار علاقیں ، میونسپلیٹیز اتے سنکیانگ پروڈکشن اینڈ کنسٹرکشن کور سمیت 31 صوبیں اچ مزید 1737 شہریاں اچ ایں وائرس دی تصدیق تھئی اے ۔ کمیشن دے مطابق پہلا تصدیق شدہ کیس تبت اچ سامنڑے آئے ، 131 مریضاں دی حالت تشویشناک جڈاں جو 38 نویں لوکاں دی موت تھئی اے، ہوبی اچ 37 ، سیچوان اچ ہک کیس سامنڑے آئے ۔ کمیشن ڈسائے جو 21 مریض ٹھیک تھی تے ڈسچارج جڈاں جو 4148 نویں مشتبہ مریض سامنڑے آئن ۔کمیشن دے مطابق 29 جنوری دی شام تئیں اینکوں 31 صوبیں توں جیرھے جو مجوعی رپورٹ ملی اے ایند اچ ڈسیا گے جو 7711 تصدیق شدہ کیساں دی نشاندہی تھی گئی اے، 31 کیسز سنگین نوعیت دے ہن ، 170 موت تھئی جڈاں جو 124 نویں کیس سمیت 12167 مشتبہ مریض سامنڑے آئے ۔ فی الحال 88693 نیڑے رابطیں دا پتہ لاتا ویندا پئے ۔ 24 گھنٹے اچ 2364 لوکاں کوں ہسپتال توں ڈسچارج کر ڈتا گے جڈاں جو 81947 لوک طبی معائنے توں گزرین ۔ ہانگ کانگ اچ 10 ، مکاواچ 7 اتے تائیوان اچ 8 تصدیق شدہ مریض رپورٹ تھن۔
