اوٹاوا۔ 14 جنوری (اے پی پی) کینیڈا دے وزیر اعظم جسٹن ٹروڈو آکھیے جو امریکہ جھیڑا نہ کریندا تاں ایران اچ مسافر طیارہ تباہ نہ تھیندا تے اساڈے طیارے دے حادثے اچ ہلاک تھیونڑ آلے شہری اساڈے درمیان موجود ہوندے ، انہاں آکھیے جو ایران اتے امریکہ دے ودھدے جھیڑے کوں نظر انداز نی کیتا ونج سگدا ۔ فرانسیسی خبر رساں ادارے دے مطابق کینیڈین ٹی وی کوں ڈتے تے انٹر ویو اچ انہاں آکھیے جو اگر علاقائی کشیدگی نہ ودھدی تاں میڈا خیال اے جو طیارے اچ مرنڑ آلے اساڈے ہم وطن اج اپنڑے خاندان دے درمیان زندہ ہوندے ۔ انہاں آکھیے جو عالمی برادری دا غیر ایٹمی ایران دے حوالے نال وڈا واضح موقف اے لیکن امریکی خطے اچ پیدا تھیونڑ آلے تناﺅ دا وی خاتمہ چاہندی اے جیرھا جو امریکی اقدامات پاروں پیدا تھئی اے ۔واضح رہے جو یوکرائن دا طیارہ بوئنگ 737 گزریل بدھ کوں تہران توں روانہ تھیندے ہی میزائل حملے اچ تباہ تھیا ہئی جیں اچ ہلاک تھیونڑ آلے 176 مسافراں اچ 57 کینیڈین شہری وی شامل ہن ۔
