لیہ۔ 21 فروری (اے پی پی) وزیراعلیٰ پنجاب عثمان بزدار آکھیا جو احساس آمدن پروگرام دا مقصد غریب اتے پسماندہ علاقیاں دے لوکاں کوں اپنڑے پیراں تے کھڑا کرن اے،پہلی واری کہیں پروگرامن اچ 60فیصد تریمتیں کوں حصہ ڈتا ویندا پے،لیہ اچ19ارب روپے دی لاگت نا ل ترقیاتی سکیماں پوری کیتی ویسن۔اے گالھیں انہاں جمعے کوں ا وزیراعظم ”احساس اثاثہ جات منتقلی پروگرام“دکے اجراءدی تقریب نال خطاب کریندیں ہوئیں آکھی۔ایں موقع تے وزیراعظم عمران خان وی موجود ہن۔وزیراعلیٰ ایں موقع تے چوک سرور شہید تحصیل کوں ضلع دا درجہ ڈیونڑ دا اعلان وی کیتا۔ایں موقع تے گالھ مہاڑ کریندیں ہوئیں چیئرپرسن احساس پروگرام ڈاکٹر ثانیہ نشتر آکھیا جو احساس آمدن پروگرام دا اجراءغریباں دی آمدن ودھاونڑ سانگے کیتاو یندا پے۔وزیراعظم احساس آمدن پروگرام کوں شروع کرنڑ سانگے لیہ کوں چنڑیے،اے چھوٹے اثاثے لوکاں دی مالی اوکھ کوں ختم کرنڑ اچ مدد ڈیسن۔انہاں آکھیا جو 60ہزار روپے دے اے اثاثے مفت ڈتے ویندے پئن،اے قرضہ کائنی،60فیصد اثاثے تریمتیں سانگے مختص ہن۔پروگرام توں فائدہ چاونڑ آلی کلثوم بی بی تقریب نال خطاب کریندیں ہوئیں آکھای جو حکومت اے بہترین پروگرام شروع کیتے،احساس پروگرام نال اج اساں سر چاتے جیونڑ دے قابل تھی گیوں۔مقامی شاعر نوکر حسین سرائیکی اچ کلام پیش کیتا۔انہاں آکھیا جو پہلا وزیراعظم ڈٹھے جیڑھا جو غریباں کوں اپنڑے نال بلہاونڑ پسند کریندے۔
