اسلام آباد ۔ 24 فروری (اے پی پی) وزیر اعظم عمران خانآکھیے جو توانائی دا شعبہ ملکی معیشت دی ترقی اچ وڈی اہمیت رکھیندے،صارفین اتے صنعتاں کوں مناسب ملھ تے بجلی ڈیونڑ،توانائی دے شعبے اچ اصلاحات حکومت دی ترجیح اے،پچھلیاں حکومتاں دے معاہدیاں،ویلھے تے انتظامی اصلاحات پچھو سٹنڑ نال توانائی دے شعبے اچ مختلف چیلنجز داسامنڑا اے جیندا بھار عوام تے پوندا پئے،لوکاں کوں ودھ توں ودھ سوکھ ڈیونڑ کیتے فوری اصلاحات کیتاں ونجن۔ اے ہدایت وزیراعظم عمران خان بجلی دا ملھ گھٹاونڑ کیتے اپنڑے زیر صدارت اجلاس نال خطاب اچ آکھی۔ اجلاس اچ وفاقی وزیر برائے منصوبہ بندی اسد عمر، وفاقی وزیرِ برائے توانائی عمر ایوب، وفاقی وزیربرائے بحری امور سید علی حیدر زیدی، وزیر اعظم دے مشیر خزانہ ڈاکٹر عبدالحفیظ شیخ، وزیر اعظم دے معاون خصوصی ندیم بابر ، متعلقہ وفاقی سیکرٹری اتے بئے سینئر افسران شریک تھین۔اجلاس اچ بجلی دا ملھ گھٹاونڑ کیتے مختلف تجویزاں اتے سفارشاں تے غور کتیا گئے۔وزیراعظم آکھیے جو حکومت ہک سو توں ترائے سو یونٹس تئیں استعمال کرنڑ آلے صارفین اتے کمزور طبقے کوں ممکنہ ریلیف ڈیندی پئی اے بھل انہاں کوں لوکاں دے اوکھ دا احساس اے،حکومت دی کوشش اے جو بجلی دا ملھ ہکی جاہ تے رکھنڑ کیتے اقدامات تیز کیتے ونجن اتے لوکاں کوں ودھ توں ودھ سوکھ ملے۔
