اسلام آباد ۔ 8 فروری (اے پی پی) وفاقی وزیر اطلاعات و نشریات ڈاکٹر فردوس عاشق اعوان آکھیے کشمیریاں کوں بنیادہ حق ملنڑ تئیں بھارت نال کرکٹ کھیڈنڑکشمیریاں دے زخماں تے لونڑ سٹنڑ آلی گالھ ہوسی۔اے گالھ انہاں راولپنڈی کرکٹ سٹیڈیم اچ پاکستان اتے بنگلہ دیش دے ٹیسٹ میچ ویلھے میڈیانال الیندےآکھی۔انہاں بنگلہ دیشی ٹیم دے آونڑ کوں پاکستان اچ کرکٹ دی بحالی کیتے چنگی گالھ قرار ڈیندے آکھیے جو پاکستان پر امن ملک اے،کرکٹ دے نال نال بئے کھیڈ دے میدان وی آباد تھیونڑے چاہیدن،ایں سانگے سری لنکن کرکٹ ٹیم وی مبارکباد دی حقدار اے جئیں پہلے پاکستان دا دورہ کیتے۔انہاں آکھیے جو وزیراعظم عمران خان آپ کھیڈاری ہین اتے انہاں دی خواہش اے جو ملک اچ کھیڈ دے میدان آباد تھیون،کیوں جو کھیڈقوماں دی ذہنی صلاحیت ودھاونڑ،اعصاب کوں تکڑا کرنڑاچ اہم ثابت تھیندن،تہوں حکومت سپورٹس بورڈاچ اصلاحات کیتن،نواں ٹیلنٹ جگ کیتے تیار کرنڑ ساڈا عزم اے،پاکستان اچ کرکٹ دی بحالی بئی اگو تے ودھسی۔انہاں آکھیا جو پاکستان اچ ساﺅتھ ایشین گیمز تھیونڑ حوصلہ افزا گالھ اے ایندے نال جگ اچ پر امن اتے محفوط پاکستان دا امیج ابھرسی،اے ایونٹ پاکستان کیتے ٹیسٹ کیس اے جیندے کیتے سارے متعلقہ ادارے کم کریندے پین۔فردوس عاشق اعوان آکھیے جو ساڈے ہمسائے پاکستان اچ کرکٹ دے قتل عام کیتے ہر جاہ تے پراپیگنڈا کیتے اتے رکاوٹاں پاتن بھل اج پورے جگ اچ اوندی ہر سازش ناکام تھی چکی اے اتے ساڈے کھیڈاں دے میدان ول آباد تھیندے پین،جے تئیں ہندوستان کشمیریاں کوں انہاں دا بنیادی حق نئیں ڈینداایندے نال کہیں قسم دے مقابلے کشمیریاں دے زخماں تے لونڑ پاونر دے برابر ہوسی،بھارت کشمیر توں کرفیو ہٹا تے کشمیریاں کوں جیونڑ دے بنیادی حقوق ڈیوے،جیکر اے مسلہ حل تھی گیا تاں کون ہوسی جیہڑاکھیڈاں کوں روک سگے۔
