واشنگٹن ۔ 4 اپریل (اے پی پی)امریکی صدر ڈونلڈ ٹرمپ آکھیے جو امریکا سودھے پورے جگ اچ کرونا دی عالمی وبا دیاں تباہ کاریاں دے باوجود امریکا اچ ایں سال تھیونڑ آلے صدارتی انتخابات اپنڑے ویلھے تے ہی تھیسن اتے ترائے نومبر کوں انتخابات کرائے ویسن۔امریکی صدر ٹرمپ کورونا وائرس پاروں انتخابات دے ملتوی تھیونڑ دے خدشے بارے سوال دے ولدے اچ واضح کیتے جو ا”عام انتخابات ایں سال شیڈول دے مطابق ترائے نومبر کوں ہی تھیسن‘۔ٹرمپ آکھیے جو ووٹ پولنگ بوتھ اچ ہی پاتے ویسن جیندے کیتے اقدامات کیتے ویندے پین۔ایں توں پہلے امریکا دیاں کئی ریاستاں اچ صدارتی انتخابات کرونا وائرس پاروں ملتوی کر ڈتے گین اتے ڈیموکریٹک پارٹی کرونا پاروں جولائی اتے اگست اچ تھیونڑ آلی نامزدگی کانفرنس وی ملتوی کرڈتی اے۔
