کرورنا وائرس توں بچنڑ کیتے حکومت سرجیکل ماسک لازمی قرار ڈتے‘ گزریل 24گھنٹے اچ 78اموات دے نال ایں ویلھے مجموعی اموات 1395تھی چکن ‘ آندے ڈینھاں اموات تے کیسز دے اندراج دی رفتار مزید تکھی تھیونڑ دا امکان اے ‘ یکم جون توں 10جون تئیں مزید 20ہزار پھسیے ہوئے پاکستانیاں کوں وطن واپس گھن آیا ویسی
اسلام آباد ۔ 30 مئی (اے پی پی) معاون خصوصی صحت ڈاکٹر ظفر مرزا اتے معاون خصوصی برائے قومی سلامتی ڈاکٹر معید یوسف آکھیے جو کرورنا وائرس توں بچنڑ کیتے حکومت سرجیکل ماسک لازمی قرار ڈتے‘ گزریل 24گھنٹے اچ 78اموات دے نال ایں ویلھے مجموعی اموات 1395تھی چکن ‘ آندے ڈینھاں اموات تے کیسز دے اندراج دی رفتار مزید تکھی تھیونڑ دا امکان اے ‘ یکم جون توں 10جون تئیں مزید 20ہزار پھسیے ہوئے پاکستانیاں کوں وطن واپس گھن آیا ویسی ،فرنٹ لائن تے کم کرنڑ آلے ہیلتھ ماہرین دی حفاظت حکومت دی اولین ترجیح اے ‘ افغانستان حکومت دی درخواست تے ضروری چیزاں دی نقل وحرکت دی اجازت ڈتئی گئی اے ۔او ہفتے کوں نیشنل کمانڈ اینڈ آپریشن سینٹر اچ مشترکہ بریفنگ ڈیندے پئے ہن ۔ معاون خصوصی ڈاکٹر ظفر مرزا آکھیے جو ایں ویلھے عالمی سطح تے کورونا متاثرین دی تعداد 60لکھ توں ودھ گئی اے 3لکھ 57ہزار کورونا متاثرن جان دی بازی ہر گئن جڈاں جو 43فیصد مکمل صحت یاب تھی چکن ، پاکستان اچ کورونا وائرس دے ہنڑ تئیں 66ہزار کنفرم کیسز ہن جڈاں جو 1395بندے جاں بحق تھی گئن ، ہنڑ تئیں 5لکھ 32ہزار ٹیسٹ کر چکن جیں دے مطابق مثبت کیسز دی شرح 12.4فیصد اے‘ ہنڑ تئیں 36فیصد صحت یاب تھئن ۔ انہاں آکھیے جو گزریل 24گھنٹے اچ 78کرونا متاثرین جاں بحق تھئن ۔ اے تعداد شروع توں گھن تے ہنڑ تئیں ساریں توں ودھ اے۔ انہاں آکھیے جو پاکستان اچ وی کیئر دے ناں توں پروگرام شروع کیتا گئے جیں دا مقصد فرنٹ لائن ہیلتھ ورکرز کوں تحفظ ڈیونڑ اے ۔ انہاں کورونا کیسز اچ ودھارے تے تشویش دا اظہار کریندے ہوئیں عوام توں اپیل کیتی اے جو ایس او پیز اتے گائیڈ لائینز تے سختی نال عمل کیتا ونجے ۔ ڈاکٹر معید یوسف آکھیے جو ہنڑ تئیں 60ملکاں توں 33ہزار توں ودھ پاکستانی گھن آیوں ، روزانہ ہک ہزار پاکستانی واپس گھن آندے پیوں ، یکم جون توں 10تئیں 20ہزار مسافر پاکستان گھن آسوں ۔
