لاہور۔17 مئی(اے پی پی )ملائیشیا دیاں جیلاں اچ قید سینکڑاں پاکستانی اتوار دے ڈینھ وطن واپس پج گئن ۔پی آئی اے ترجمان دے مطابق ملائیشیا دیاں جیلاں اچ قید 250 پاکستانی قیدی ملائیشین ایئرلائن دے ذریعہ لاہور پجن ۔ملائیشین ایئرلائن دے طیارے 12:15وجے لاہور علامہ اقبال انٹرنیشنل ایئرپورٹ تے لینڈ کیتا ۔سارے پاکستانی قیدیاں دی ایئرپورٹ تے اسکریننگ تھیسی تے قرنطینہ اچ روانہ کیتا ویسی ۔کوالالمپور اچ پاکستانی ہائی کمیشن دیاں کوششاں نال قیدیاں دی رہائی ممکن تھئی ۔ملائیشیا اچ تعینات پاکستانی ہائی کمشنر آمنہ بلوچ آکھیے جو عید توں پہلے 3 فلائٹس دے ذریعے سارے پاکستانی قیدیاں دی وطن واپسی کوں یقینی بنڑایا ویسی ۔
