ملتان ۔ 31 مئی (اے پی پی)نشتر ہسپتال اچ کورونا آئی سی یو کم شروع کرڈتے۔وائس چانسلر نشتر میڈیکل یوویوورسٹی پروفیسر ڈاکٹر مصطفےٰ کمال پاشا دی ہدایت دے مطابق پرنسپل نشتر میڈیکل کالج پروفیسر ڈاکٹر افتخار حسین خان دیاں کاوشاں نال نشتر ہسپتال ملتان دے وارڈ نمبر 22 اچ پنجاب دے پہلے کرونا آئی سی یو اپنڑا کم شروع کرڈتے۔ ایں ایچ ڈی یو ‘آئی سی یو دا قیام شہر دے مخیر حضرات دے تعاون نال ممکن تھی سگیے ۔جیں کیتے نشتر ہسپتال دی انتظامیہ انہاں سارے حضرات دا شکریہ ادا کیتے ۔کرونا آئی سی یوایچ ڈی یو 16 بیڈ تے مشتمل ہک وارڈ اے جیں اچ 8 بیڈ ز کرونا دے کنفرم مریضاں اتے 8 مشتبہ مریضاں کیتے مختص کیتے گئن ۔ ایں وارڈ اچ ٹوٹل 11 وینٹی لیٹر ز ڈتے گئن جیں اچوں 3 وینٹی لیٹرز سینڈ بائی رہسن تاں جو کوئی وی وینٹی لیٹر خراب تھیونڑ دی صورت اچ وختی بدالیا ونج سگے ۔آئی سی یو اچ 3 ڈائلسز مشین وی ڈتیاں گئن ۔ جنرل آئی سی یو دے بر عکس اتھاںں مریضاں کوں ڈوجھیاں جہیں تے منتقل کرنڑ دی بجائے انہاں دے بیڈ تے ہی ڈائلسز دی سہولت ڈتی ویسی ۔اس آئی سی یو اچ انتہائی نگہداشت اتے شبعہ امراض سینہ دے ماہر ڈاکٹر ز اپنڑے فرائض سرانجام ڈیسن ۔ ایں ویلھے ایں آئی سی یو اچ 7 مریض زیر علاج ہن جیں اچوں 2 کنفرم اتے 5 دی رپورٹ دا انتظار اے۔
