اسلام آباد ۔ 29 مئی (اے پی پی) چیئرمین سینیٹ محمد صادق سنجرانی سینیٹ دی قائمہ کمیٹی خارجہ امور کوں ہدایت کیتی اے جو وزارت خارجہ اچ صوبائی/علاقائی کوٹہ تے عملدرآمد دے حوالے نال معاملات دا جائزہ گھن تے تفصیلی رپورٹ بنڑاوے ۔ وزارت خارجہ اچ صوبائی کوٹہ دے تحت تھیونڑ آلیاں تقرریاں دی تفصیل دا جائزہ گھدا ونجے تے باہرلے ملک پاکستانی مشن تے سفارتخانیں اچ کوٹے تے عمل درآمد دی تفصیل تے وی غور کیتا ونجے ۔ کمیٹی نجی شعبے توں گزریل پنج سال دے عرصے دے دوران تعینات کیتے گئے سفیراں دی کوٹہ دے تحت تفصیلات دا جائزہ وی گھنسی۔ سینیٹ سیکرٹریٹ موجب چیئرمین سینیٹ محمد صادق سنجرانی سینیٹ دی قائمہ کمیٹی خارجہ امور کوں معاملے دا چھان بین دا ٹاسک ڈتے اتے سینیٹ دے قواعد و ضوابط دے قاعدہ 166 (ا)دے تحت معاملہ کمیٹی کوں ریفر کیتا گئے ۔
